Union Internationale Des Ressortissants De Fondou

Duwaaw e Eeraango fayde e Leñol
E deftere men nde mbinnduzon e Nguurndam Tijjaani Aan, caggal sankaare mum, en keviino wiyde heen wonde ko e ndeen maayde gonzi Leñol ngol fof ngardata. En cifinooma heen jaale mawze jahrunooze leñol ngol e darnde nde gootal heen fof darinoo e sahaa mum. Kono ndeke won bette mawze gozze keddinoo, ngaraani:
Cankagol Yero Dooro Jallo, ñalnde alet, 5 lewru mbooy( mars) 2006, nattugol Mustafa Booli Kan lollirzo Saydu Kan, ñalnde alkamisa 28 lewru siilto hitaande 2006 e birnagol Doktoor Umaar Kan e hitaande 2008.
Hannde ne, alkamisa 11 lewru korse (juin) hitaande 2009, ko Baaba Leñol, ko baaba mum Leñol fof hono Mammadu Sammba Joop lollirzo Murtuzo ruttanaa. Murtuzo, sagata bazzo nguurndam mum fof e Leñol, yarlitanii Zemngal e Pinal e ko aldaa lohre e ngowaari. Murtuzo mo, Leñol vurani vesngu, mo Zemngal foolani galle, mo Pinal ardanii golle, laatiizo lewru hakkunde koode ngenndiyankooje, ko veto ngo Timmuzo timmini, wazaani Murtuzo vurtuzo. Murtuzo, mo innde mum noddi ndimaagu leñol, xiixam mum yarni lekki ngootaagu leñol, mo warñeende mum laatii fittaandu vamtaare leñol artanaama hannde ngam tawtoyde Yero Dooro Jallo, Mustafa Booli lollirzo Saydu Kan e Doktoor Umaar Kan, veen e adinoove zumen, waznoove ñaam-golluuje tiizze, cuzaari daartol Leñol, wayve no Teen Yuusuf Gey, gittanoozo e men ñalnde aljumaa 2 lewru siilto 1988, Elimaan Puri Tabsiiru Jiggo, ñalnde 28 siilto 1988, Teen Aamadu Maalik Gay e hitaande 1989, Doktoor Umaar Bah, ñalnde 12 lewru colte( février) hitaande 1998, Kodda Elimaan Sammbooru Barka lollirzo Tijjaani Aan, ñalnde aset 14 lewru seezto( avril) hitaande 2001, Aamadu Muktaar Ndonngo e Seek Faadel, ekn.
Oozoo kikiize alkamisa mo Murtuzo hirndi e Nuwaasot ena yahdi e duusoove, duusoove suniive, ve fittaali owzi, verze mettuze, waaltoyi ko Mbaañ Cile e leydi Hammadi. Yizve, sehilaave e renndanoove nguurndam ena nduusa gizo mo njawaani, njawaaki, Mbaañ ena teezanoo vizzo mo hersiraani, vesngu Sammba Budel ena woya afo mo dullaani. Goranam, Jasak naattaani wuro saka nannga mbeddaaji, feccita dingire, ñaaxa e ngoowaandi. Jasak Dewo Takkonaave geddi Mbaañ Hebbiya, geddi Mbaañ Siñtu, geddi Mbaañ Poongel, waali e poongel Gadeeji Dewo Kundo ena ndaara Mbayaar mo Yero Pennda, rewo Torja e barkeeje.
Alla wazataa ko haani, wazata ko ko haaji. Ko o haaji fof kadi ko zum tan laatotoo. Gawlo miskineeve wontii hannde miskiino. Bammbaazo waayeeve e roofolve, jahdigel majjuve e zawaave, tinndatnoozo, tintinatnoozo, ciftinatnoozo, coftinatnoozo, baajotonoozo hannde muumzii. Yo Alla vuuvnu yixe makko.
Duwaaw feewde e banndiraave
Ko adii fof, ezen nelda duwaaw feewde e leñol ngol e kuuval e denndaangal yizve Pinal maggol. Nde tawnoo nde Murtuzo wuuri nde, wuurannoo ko leñol ngol fof, maayde mum laatiima baasal mawngal wonande leñol ngol. Ezen njetta ngol noon njettoor keeriizo, njettoor bayniizo fittaandu sabu ngol yovii darnde Mammadu Sammba Joop haa timmi. Ngol wazani mo ko ngol wazannoo Elimaan Gamaaji, Yero Dooro Jallo e Mustafa Booli mo Teekaan, so duusde mo haa o yettoo hozorde makko sakkitere. Yo Alla lomto, lomtinana ngol ko hawrani verze e hakkillaaji.
Ezen ndennda sunaare e denndaangal wuro Mbaañ, teeqti noon e vesngu Jasak Sammba Budel Joop e kuuval. Ko noon ne kadi njettinirten duwaaw e njettoor feewde e Muusaa Mammadu Jallo e vesngu mum to Tokomaaji sabu darnde tiiznde nde o darii e sara Murtuzo. Ezen mbiya ve yo Alla lomto, heedana en e ndeen yolnde. Ezen nelda duwaaw feewde e denndaangal ngenndiyankoove yimiyankoove, haaliyankoove wiztiyankoove wuurnuve zemze, vamtuve Pine, zo ve mbaawi wonde fof e nder jookli nay winndere nde haa teeqti noon e:
- Vesngu Doktoor Umaar Bah mo Dabbe
- Vesngu Teen Yuusuf Gey
- Vesngu Jiggo Tabsiiru
- Vesngu Aamadu Maalik Gay
- Vesngu Yero Dooro Jallo to Ndakaaru e to Lummbol Sammba Abdul
- Vesngu Mustafa Booli Kan lollirzo Saydu Kan
- Vesngu Aamadu Muktaar Ndonngo
- Vesngu Seek Faadel Kan
Ezen nduwanoo denndaangal Pelle e Dente ndimaagu zo ngoni e nder jookli winndere nde:
- Fedde Vamtaare Pulaar Muritani e hoyreejo mum Aamadu Umaar Jah
- ARP/Tabital Pulaagu mo Senegaal e gardagol Mammadu Alasan Bah
- Fedde Tabital Pulaagu Muritani e gardagol Fari Jeeri Bah
- Fedde Pulaar Speaking to Dowlaaji Dentuzi Amerik
- Fedde yoolti Leñol e gardagol Abdullaay Jallo lollirzo Wulyel Jallo e Aliiw Yero Sih wonve to Dowlaaji Dentuzi Amerik
- e denndaangal pelle pine e magooji gonze hakkunde Senegaal e Muritani
Ezen ndennda sunaare e zeezoo jaale ze kanko Murtuzo o renndunoo wolde haa nde maayde seerndi ve:
- Umaar Mammadu Kan ganndiraazo Suleymaani Kan
- Aamadu Umaar Jah
- Ibrahiima Muktaar Saar
- Abuu Bakri Muusaa Lam
- Yero Sillaa
- Fari Kah
- Ibraahiima Umaar Kan lollirzo Katante Lenyol
- Jaalo Sek
- Mammadu Abdul Sek
- Aamadu Alfaa Bah
- Mammadu Aali Sal
- Bookar Aamadu bah
- Abuu Aamadu Joop
- Tijjaani Mbaalo
- Demmbele Aamadu Sammba
- Abdullaay Demmba Ñaq
- Sammba Cooyel bah
- Habii Jakariyaa Kontee
- Yaayaa Vaas, ekn.
Eeraango
Vamtaten zo ko eeraango ngo mbazno zen ñalnde 6 e 7 lewru morso hitaande 2001 e ñalzi pinal Tijjaani Aan, baznoozi to Ndakaaru e Dingiral Aamadu Bari. Ko ngoon eeraango kadi vamtunozen e maayde Yero Dooro Jallo.
Eeraango Feewde e Leñol
Banndiraave, ko adii fof ko duwanaade on. Maayde Murtuzo Joop ko baasal mawngal, ko ustaare mawnde wonande leñol ngol. Nde tawnoo hono Baaba Leñol en keewaani etee kadi mbeevaani, en cuniima, en ngoyii haa sazti. Kono paamen noon aduna o dartaaki zo tan e ndeezoo maayde, ko ko jokkata. Zum firti ko leñol ngol ena hatojina e sagataave yarlitiive. Engol sokla ngenndiyankoove saasve e kala sahaa e kala nokku. Haade noon ngenndiyankaagal ko huunde tiiznde, nde weevaani, etee wonaa mo woni kala rokketee zum, so en ndañii ngenndiyanke, tiizno zen e mum gila e nguurndam mum. Woto zalen haa maayde jola, heddoo ezen ngoya mo, ezen cunoo e maayde makko, ezen kolla wonde ezen njiznoo mo walla ezen njotondirnoo e makko jotondiral tiizngal.
Enen ne hannde, foti wonde woondu men e Mammadu Sammba Joop lollirzo Murtuzo ko daranaade ko o daraninoo ko. Woondu men e makko, ko hazde miijo makko maayde. Woondu men e makko ko salaade anniyaaji zi o joginoo zi mbaasa joofde. Yo Alla yurmo mo, yaafoo mo, kanko e denndaangal maayve juulve.
Hannde o faayre ena foti mawnude e jaalzaade e nder fittaandu kala ngenndiyanke laavzo. Fulve ena mbiyatnoo: Subaka fof baa maayii, beya ne kadi maayii, moxxaani e geddu beyi.
Enen ne sahaa fof woyde en jaalal, moxxaani e leñol ngol. So tawii kadi maamaaje janooje ze fof, alaa covoxxi guurzi lomtotoo ze, jeereende bonnde jommbaani. Jeereende ne no wayi fof bonde e ladde, vuri bonde ko e leñol. So leñol ena waasa sagataave mum yarlitiive, so leñol ena waasa annduve mum sirqiniive, so leñol ena waasa alzuve mum wakkiliive, wontata ko leñol jowittongol, kuutortengol zo lexxi gozzi.
Gelongal Fuuta lollirzo
Njaay Saydu Aamadu

Depuis hier soir une effrayante tempête de sable trouble la fête à Nouakchott. Dans certains coins de la ville, les voitures allument leurs phares tellement la poussière était dense.

Jusqu'à présent un compromis satisfaisant n'a pu échapper de la table de négociation de Dakar. Le blocage est certainement du côté des kakis. Le Général ne veut entendre parler de dissolution du HCE. Les facilitateurs veulent que le HCE change de nom et soit soumis au futur gouvernement de transition. Les pôles FNDD et RFD sont favorables à la proposition mais les hommes de la gachette grincent encore les dents.

En Mauritanie, même l'homme de la rue apolitique se sent préoccupé e désespèré de cette sortie de crise. Quant aux partis politiques qui étaient déjà sur le terrain, ils sont totalement exclus des décisions de Dakar et ne savent plus sur quel pied danser. Si les frais de campagne ne leur sont pas remboursés, ils risquent d'affronter la deuxième arène avec des difficultés énormes.

Gila hanki jamma henndu faayniindu ena hazi wuro Nuwaasot ngo wonde e jam. Won e nokkuuji ko maa otooji jeynoo lampaaji nde njiya jeese mumen hakke e funndu ndu e heewde.

Haa zoo, alaa tawo nanondiral

Le journaliste qui avait accusé Ibrahima Moctar Sarr d'avoir reçu de Général Aziz une maison de trente trois millions rien que pour participer à l'élection présidentielle du 06 juin, vient d'être arrêté et mis en prison.
D'autre part, le Général poursuit sa compagne actuellement avec des moyens logistiques militaires. A bord d'un hélicoptère, il s'est rendu au brakna et dans plusieurs localités du pays. Il s'est rendu même chez Mourtoudo à Mbagne pour présenter ses condoléances et où il a promis de construire le mur d'enceinte de la maison.

Concernant la négociation de Dakar, il a retiré le premier représentant qui avait pris part aux clauses de la première assise et l'a remplacé par un certain Mohamed Yahya Ould Mohamed Horma. Est-ce par incompétence ou par stratégie? Dieu seul en a la certitude.

Jaayndeyanke takkunoozo Ibraahiima Moktaar Saar wonde Seneraal Abdul Aziiz yeenii zum galle jarzo 33000000 mbuzu mbele omo laawzina tozze potnooze wazde nyalnde 06 lewru korse ndu ngonzen ndu, nanngaama, weddaama e dummbirdu.

E ko wonaa zuum, Seneraal Abdul ena jokki jolannde mum. O huutortoo noon ko daabeeje konuyankooje leydi ndi. Oo dumunna fof o woni ko e elikopteer, omo yirloo. O yahii yettinoyde duwaaw to galle Murtuzo en to Mbaany. O fodii kadi maa o mahan ve valal galle ngal

Ko fayti e geze maslahaa bazatnoozo to laamorgo Dowla Senegaal, Seneraal neldaani e ngol jahnoozo toon o. O neldi ko gozzo ena wiyee Mohammed Yahyaa Viyi Mohammed Horma. Mbele ko qakkere hattan joom mum walla ko peeje ndewi zoon? Ko Geno tan gooto laavaa.